Скопје, 2 мај 2024 – При мониторингот над изборното медиумско претставување на програмата на ТВ Алфа, емитувана на 25 април 2024 година, Агенцијата констатираше прекршување на член 75-ѓ, став 1 од Изборниот законик.

Скопје, 30 април 2024 – За да се констатира дали некој радиодифузер извршил промена во сопственичката структура без претходно да ја извести Агенцијата за аудио и аудиовизуелни медиумски услуги и пред истата да биде одобрена од страна на Агенцијата, извршен е вонреден административен надзор врз 40 телевизии

Скопје, 30 април 2024 – Агенцијата за аудио и аудиовизуелни медиумски услуги изврши редовен административен надзор врз сите 99 радиодифузери коишто емитуваат телевизиска или радио програма, за обврската до 31 март на посебен образец пропишан од страна на Агенцијата, да и достават податоци за сопственичката структура, одговорниот уредник/уредници, изворите на финансирање во претходната година (реклами, спонзорство, продажба на содржини, услуги обезбедени на трети страни и слично), остварените вкупни приходи и расходи во претходната година од обезбедувањето на дејноста и за просечната гледаност или слушаност во претходната година.

Скопје, 26 април 2024 – Советот на Агенцијата на вчерашната 19-та седница, донесе Упатство за измена и дополнување на Упатството за радиодифузерите за Претседателските и Парламентарните избори 2024.

Скопје, 25 април 2024 – При надзорот над изборното медиумско претставување на програмата на ТВ Клан Мацедониа, емитувана на 23 и 24 април 2024 година, Агенцијата констатираше прекршување на член 76-б став 3, а во врска со член 69-а став 2 од Изборниот законик.